Energi

– Kjernekraft bergar liv

– Vil ein berga menneskeliv, bør ein byggja ut kjernekraft i verda. Det meiner Jonny Hesthammer, tidlegare geologi- og geofysikkprofessor ved Universitetet i Bergen.

Frankrike har fleire atomkraftanlegg, som her i Saint-Vulbas utanfor Lyon, og CO2-utsleppa i landet er berre 15 prosent av verdsgjennomsnittet.
Frankrike har fleire atomkraftanlegg, som her i Saint-Vulbas utanfor Lyon, og CO2-utsleppa i landet er berre 15 prosent av verdsgjennomsnittet.
Publisert

Hesthammer har den siste tida samarbeidd med kjernefysikaren Sunniva Rose og blant anna skrive to kronikkar om klima og kjernekraft. Resultatet av samarbeidet syner at matematikken har forsvunne i klimadebatten.

– Undersøkingane me har gjort, syner at folk ikkje greier å ta inn over seg dei enorme tala det er snakk om, seier Hesthammer.

Han viser til at det i 2017 vart sleppt ut 37 milliardar tonn CO2, og at den årlege auken er på 1 milliard tonn.

– Spørsmålet er kva ein kan gjera med så store mengder. I klimadebatten maktar ikkje folk å gjera det relativt enkle reknestykket som syner at verda ikkje greier å byggja nok karbonlagringsanlegg. Skal ein elektrifisera heile verda, finst det heller ikkje nok metall og mineral til å laga alle batteria som skal til, og då må ein spørja kva me skal gjera, seier han.

Tre satsingsområde

Jonny Hesthammer minner om at FNs klimapanel prioriterer tre tiltak for å avgrensa den globale oppvarminga til 1,5 grader: kraftige reduksjonar av utslepp, rask utbygging av fornybar energi – og kjernekraft.

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.


Eller kjøp eit anna abonnement