Finansdepartementet gjekk mot skipstunnel
I 2013 kom den planlagde skipstunnelen gjennom Stadlandet med i Nasjonal transportplan. No syner regjeringsnotat frå Stoltenberg-regjeringane at motstanden mot tunnelen internt i regjeringane var stor.
Stad skipstunnel slik planleggjarane ser han for seg.
Illustrasjon: Kystverket / Snøhetta
Samferdsle
Både Kristin Halvorsen (SV), som var finansminister 2005–2009, og Sigbjørn Johnsen (Ap), som var finansminister 2009–2013, argumenterte mot å bygge skipstunnelen gjennom Stadlandet. Dette går fram av regjeringsnotat som Dag og Tid har fått tilgang til.
I 2006 skreiv finansminister Kristin Halvorsen dette om den planlagde skipstunnelen:
«De foreliggende utredninger viser at prosjektet vil medføre et samfunnsøkonomisk tap på inntil 94 øre for hver budsjettkrone som investeres, og et samlet tap på 600 millioner kroner eller mer. Dette tilsier klart at prosjektet ikke bør gjennomføres.»
Og ho skreiv vidare: «Jeg ser det som hensiktsmessig at saken fremmes for Stortinget innenfor helheten i St.prp. nr. 1. På den måten unngås bl.a. en eventuell politisk belastning ved å fremme saken i en egen proposisjon.»
Stoltenberg-regjeringa gjorde hausten 2006 som finansminister Halvorsen ynskte. Internt var konklusjonen: «Regjeringen prioriterer ikke realisering av prosjektet Stad skipstunnel.» Det går fram av regjeringsnotat ført i pennen av Helga Pedersen, som då var fiskeri- og kystminister. Men ettersom Stortinget året før hadde løyvd fem millionar kroner til Kystverket for vidare arbeid med å klarlegge grunnlaget for eventuelt å hente inn tilbod på bygging av ein tunnel, måtte regjeringa kvittere ut saka på ein måte. Og slik vart det. Stad-tunnelen vart så vidt nemnd i budsjettproposisjonen for 2007.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
