Politikk
Finansdepartementet snur
Finansdepartementet kastar korta og gjev innsyn i dokumentlistene i Meyer-saka. Det skjer etter Sivilombodets sterke kritikk mot departementet.
Medieoppbodet var stort då det storma som verst kring SSB-sjef Christine Meyer.
Foto: Mariam Butt / NTB
Finansdepartementet har heilt sidan januar i 2022 nekta å gje Dag og Tid innsyn i dokumentlistene som skal innehalde oversyn over alle dokumenta som finst i saka som enda med at direktøren i Statistisk sentralbyrå, Christine Meyer, gjekk frå stillinga i november 2017. Avgangen skjedde etter ein opprivande strid med Finansdepartementet ved dåverande finansminister Siv Jensen (Frp).
Avgangen vart seinare granska av kontrollkomiteen på Stortinget, som kom med klar kritikk mot finansministeren for handteringa av saka.
Finansdepartementet viser nå berre til avgjerda frå Sivilombodet i klagesaka frå Dag og Tid for å forklare at ein nå har snudd. Det betyr at departementet ikkje har svara på spørsmålet frå Sivilombodet om kva slags heimel departementet har meint å ha for å kunne nekte innsyn i dokumentlistene. Avgjerda frå Finansdepartementet kom på siste dag av trevekersfristen Sivilombodet gav.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
