Forsvarer retningslina
Utfordringa er ikkje kunnskapsmangel, men eit utilstrekkeleg helsetilbod for unge med kjønnsinkongruens, meiner Helsedirektoratet.
Divisjonsdirektør Helga Katharina Haug i Helsedirektoratet er usamd i kritikken frå Ukom. Den retningslina direktoratet har laga, skal vere «ei overordna skildring av organisering og oppgåvedeling i eit desentralisert, differensiert og heilskapleg helsetenestetilbod», skriv ho på e-post.
«Slik sett er det ei litt uvanleg retningslinje frå Helsedirektoratet, og må ikkje misforståast til å vere ei retningslinje som gir meir detaljerte tilrådingar om utgreiing og behandlingsval. I ei fagleg retningslinje med kliniske spørsmål ville det vore nødvendig med andre metodiske tilnærmingar og krav til kunnskapsgrunnlag for tilrådingane», skriv Haug.
Ho meiner eit utilstrekkeleg tilbod er ei større utfordring enn mangel på kunnskap.
«Mange personar med kjønnsinkongruens manglar i dag tilbod i helsetenesta; mange får ikkje helsehjelp som dei har krav på. Det er hovudutfordringa. Helsedirektoratet meiner retningslinja gir eit godt grunnlag for etablering av helsetenestetilbod på alle nivå, noko det framleis er eit stort behov for.»
– Er de samde i at kunnskapsgrunnlaget for dagens behandling av unge er så svakt at det kan utgjere ein risiko for pasienttryggleiken?
«Unge med kjønnsinkongruens har mange ulike behov – frå samtalar og hjelpemiddel til høgspesialisert behandling. Det må alltid bli gjort ei individuell vurdering av den enkelte og tilbydast utgreiing og behandling som byggjer på best tilgjengeleg kunnskap. På dette fagområdet finst ein del kunnskap og også internasjonale tilrådingar som behandlarar i Noreg kan nytte, men det trengst meir.»
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
