Samfunn
Grønland forbyr utanlandsk valfinansiering
Parlamentet har teke grep for å hindre utanlandsk påverknad på parlamentsvalet i mars.
Det vert halde parlamentsval på Grønland 11. mars.
Foto: Christiane Jordheim Larsen
Grønland tek grep for å hindre utanlandsk innblanding i parlamentsvalet i landet om knappe fem veker. Onsdag fatta det grønlandske parlamentet, Inatsisartut, eit hastevedtak om å gjere økonomisk partistøtte frå utlandet ulovleg, skriv Sermitsiaq.
Parlamentet vedtok også at valet skal haldast 11. mars, berre fem veker etter at det vart varsla. Regelverket seier at eit parlamentsval skal verte varsla minst seks veker før valdagen, men parlamentet gav statsminister Múte Bourup Egede dispensasjon frå regelen.
Bakgrunnen for dei to vedtaka er USAs uttrykte ønske om å kontrollere Grønland.
– Vi står midt i ei alvorleg tid. Ei tid vi aldri har opplevd i landet vårt. Dette er ikkje tida for å vere splitta internt. Tida forpliktar oss til samarbeid og samling for landet vårt, sa Egede i parlamentet.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
