Krig
Hagen til Kvilinskyj finst ikkje lenger
Alle historier, det gjeld òg dei som ser ut til å ha nådd slutten, har eit framhald.
Ein soldat ber eit portrett av den drepne våpenbroren og aktivisten Pavel Petrisjenko i gravferdsseremonien hans i Kyiv 19. april. Petrisjenko døydde i kamp mot russiske okkupantar aust i Ukraina. Han er tidlegare omtalt i denne spalta fordi han arbeidde for å stogge pengespel som finansiering av det ukrainske forsvaret.
Foto: Valentyn Ogirenko / Reuters / NTB
Pavo Petrisjenko, soldaten frå 59. brigade som skreiv ei bøn om forbod mot nettkasino den 29. mars i år, døydde i kamp 15. april. Den 16. april lova president Zelenskyj å ta omsyn til skrivet hans og lage ei eller anna form for kontroll over kasinoar på nettet.
No har eit nytt skriv dukka opp på nettsida til presidentkontoret med bøn om at sersjant Pavel Petrisjenko må få tittelen «helt av Ukraina» etter sin død. Det har alt motteke dei 25.000 støtteunderskriftene som krevst.
Heilt i starten av fullskalakrigen var ukrainarane gripne av heltegjerningane til militærflygaren Stepan Tarabalka, elles kjend som «spøkjelset frå Kyiv». Da han forsvara himmelen over den ukrainske hovudstaden dei to første vekene av krigen, skaut han ned temmeleg mange russiske jagarfly. Men Tarabalka døydde 13. mars 2022, i ein ujamn kamp over Zjytomyr-regionen. Det var ikkje naudsynt med noko bøneskriv til presidentkontoret for å få styresmaktene til å gjere han til «helt av Ukraina».
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
