«Israelarane har byrja sjå alle palestinarar som potensielle terroristar»
Den gjensidige dehumaniseringa mellom israelarar og palestinarar har gått føre seg lenge, seier sosialpsykolog Daniel Bar-Tal.
Jabalia nord i Gaza 11. oktober. Israelske bombeåtak har så langt øydelagt over 1300 bygningar, ifølgje FN. Over 3000 menneske skal ha mista livet i Gaza sidan denne krigen tok til.
Foto: Anas al-Shareef / Reuters / NTB
Etter Hamas-terroren mot Israel førre helg, der over 1400 menneske vart drepne og kring 200 tekne som gislar, var det openbert at det israelske motåtaket kom til å bli brutalt. Over 3000 palestinarar skal vere drepne så langt, ifølgje helsestyresmaktene i Gaza. Dødstala kjem til å bli mykje høgare før dette er over. Frå den israelske regjeringa kjem det klare signal om at omsynet til sivile ikkje blir høgt prioritert. Da forsvarsminister Yoav Gallant 9. oktober skulle forsvare den totale blokaden av Gaza, som stogga tilførselen av mat, vatn og straum, sa han: «Vi kjempar mot menneskelege dyr, og vi vil handle deretter». Med det sikta han nok til Hamas-krigarane, men blokaden råkar alle på Gaza.
Utsegna frå Gallant er døme på dehumanisering – å fråkjenne folk menneskeverdet og framstille dei som mindreverdige. Dette kunne tolkast som eit utslag av affekt etter massakrane som Hamas stod bak. Men dehumaniseringa av palestinarane tok til lenge før terroråtaket, meiner Daniel Bar-Tal. Han er professor emeritus i sosialpsykologi ved Universitetet i Tel Aviv, med politisk psykologi som spesialfelt. Han er òg del av ein stadig mindre minoritet: ein israelsk liberalar som ønskjer ei fredsløysing som sikrar borgarrettar og tryggleik også for palestinarane.
Ikkje-folket
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
