Energi
Kraftfanga av historia
Svenskane brenn tre. Difor betaler vi no langt meir for oppvarming enn svenskane. Men det fine med høge straumprisar er at det vert mykje meir lønsamt å gjennomføra straumsparande tiltak.
For 30 år sidan vedtok svenskane å satsa på bioenergi. 120 TWh av energiproduksjon i Sverige kjem i dag frå bioenergi, oftast i form av av trepellets. I Noreg nyttar vi berre 15 TWh om vi inkluderer vedbrenning i heimar.
Foto: Hedemora Energi
Samfunnsøkonomien og klimaet er taparane i straumpakken til regjeringa. Sjølvsagt var det umogleg for regjeringa å sitja stille og sjå på at nordmenn flest fekk mykje dårlegare økonomi. Men det som har skjedd i haust, er nett det som den grøne vendinga legg opp til at skal skje: Folk må nytta mindre energi, og det finst ikkje ein betre måte å gjera det på enn å la folk få svi økonomisk.
Dyr norsk fornyeleg straum er eit klart signal til både forbrukarar og investorar: Med høg pris må forbrukarane nytta mindre straum, og den frigjorde straumen kan gå til slikt som å byta ut gass med elektrisitet på sokkelen. Investorane på si side ser at når prisen på straum vert høg, kan dei tena meir pengar på byggja vindturbinar eller gjera vasskraftverka meir effektive.
Turbogrønt
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
