Politikk
Krass kritikk mot Finansdepartementet
Sivilombodet rettar hard kritikk mot Finansdepartementet i ei klagesak som gjeld innsynsnekting i dokumentlister i departementet.
Sivilombod Hanne Harlem rettar kraftig kritikk mot Finansdepartementet, leidd av Trygve Slagsvold Vedum, for behandling av ei klagesak Dag og Tid fremja mot Finansdepartementet.
Foto: Heiko Junge / NTB
Finansdepartementet har i meir enn 15 månadar nekta innsyn i dokumentlister som gjeld saka om Christine Meyers avgangen frå stillinga som direktør i Statistisk sentralbyrå i 2017. Regjeringa vil nå endre lovverket for å hindre slikt innsyn. Sist veke konkluderte Sivilombodet, som har i oppgåve å føre kontroll med forvaltninga på vegner av Stortinget, med at Finansdepartementet har brote offentleglova:
«Sivilombudet er kommet til at Finansdepartementet ikke har behandlet innsynskravet i tråd med offentleglovas regler. Det er unntatt opplysninger uten at dette er hjemlet i lov eller forskrift gitt i medhold av lov.»
Ombodet ber Finansdepartementet «snarest om å behandle saken på nytt i tråd med det som fremgår ovenfor, og om å bli orientert om utfallet av den nye behandlingen innen 12. mai 2023».
Bakgrunnen
I januar 2022 dokumenterte Dag og Tid manipulasjon med møtereferat og notat i saka som gjaldt striden mellom Finansdepartementet og direktøren i Statistisk sentralbyrå, Christine Meyer. Striden resulterte i at Meyer gjekk av i november 2017.
På bakgrunn av avsløringane bad vi om innsyn i dokumentlistene i Finansdepartementet som handla om avgangen til Christine Meyer. Dokumentlister er lister over alle dokument som finst i ei sak, og er noko anna og meir omfattande enn postlister eller postjournal. Dokumentlistene skal også omfatte dokument som ikkje blir førte inn i postjournalen, til dømes interne dokument og notat.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
