Leve brunkremen!Noreg er heilt i verdstoppen når det gjeld hudkreft. No kan vi verte det tredje landet i verda som forbyr solarium.
Noreg er heilt i verdstoppen når det gjeld hudkreft. No kan vi verte det tredje landet i verda som forbyr solarium.
Får den nasjonale arbeidsgruppa det som ho vil, kan alle landets 5500 solarium verte sløkte.
Foto: fiphoto / Mostphotos
Døra til klasserommet på min vidaregåande skule i 2008 går opp. Inn kjem det eg ikkje kan skildre som noko anna enn ei oransje rotfrukt i det som ein gong var ei grå joggebukse. Gulrota er ei av mine beste veninner i klassen, og ho har sett seg lei på å liggje pal i solariet.
– Spraybruninga smittar visst av, seier ho orsakande når ho ser blikket mitt på buksa hennar, og ler medan ho set seg ved sida av meg.
Eg ser nedover det heilsvarte, nye antrekket mitt og skrapar stolen så lite mistenkjeleg eg kan mot bordhjørnet, bort frå veninna. Ho er nemleg til og med oransje inne i handflatene.
– Eg trur kanskje eg går innom Brun og Blid neste gong, fniser ho.
Eg fniser attende og fylgjer godt med på kvar ho legg hendene sine.
Litt nærare notida sit eg på terrassen heime med bestemor mi, og ho ser tvilsamt på leggane mine.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
