Lita skrift

Rottelotto

Publisert Sist oppdatert

Her ein dag hadde eg ein av desse augneblinkane der eg kjenner meg mykje eldre enn andre unge.

Eg høyrde på radioen då ein innringar fortalde om ei rotte ho hadde fanga på loftet. Eit aktuelt tema for meg, så eg spissa øyro.

Programleiarane var nyfikne på korleis ho klarte dette (rottefelle), korleis ho reagerte (skreik og skvatt skikkeleg, veninna som var med, hoppa bakover) og korleis ho kvitta seg med rotta etterpå (fekk broren til å koma og ta henne vekk). Dei to programleiarane ville le seg i hel, klappa og sa: «Jæ’li bra! Jæ’li bra!»

Er det verkeleg uvanleg å fanga rotter i rottefeller?

Eg er ikkje den store gamblaren, men i kjellaren spelar eg lotto. Rottelotto. Alltid har eg sju musefeller og ei rottefelle ståande langs veggane, der røyra går. På det meste har eg fått fire rette på éi natt, men det er over eit år sidan eg fekk tilleggstal.

Det kan gå månadar utan fangst, men kvar gong eg går ned i kjellaren og lyser langs veggen, er det med den same spenninga i kroppen. Eg trur det er slik hummarfiskarane har det.

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.


Eller kjøp eit anna abonnement