Politikk
Medvind for Merkels mann
Valet i den vesle austtyske delstaten Sachsen-Anhalt vart ein uventa opptur for Armin Laschet, mannen som håpar å bli Tysklands neste kanslar.
Partileiaren i CDU, Armin Laschet, då han heldt tale i samband med valkampstarten i Berlin 30. mars i år.
Foto: Michael Kappeler / AP / NTB
Det er val til Forbundsdagen i september, og Tyskland ser ut til å tørste etter forandring. I ei fersk måling frå det velrenommerte Allensbach-instituttet seier 60 prosent at dei vil ha regjeringsskifte. Akkurat det er det slett ikkje sikkert at dei får.
Ei ny tid er uansett i emning. Det er heilt sikkert at landet kjem til å få ny regjeringssjef. Angela Merkel takkar for seg etter 16 år som kanslar. Partiet Dei grøne går til val med ein eigen kanslarkandidat. Det har dei aldri gjort før. Dei gjer det fordi dei for første gong i historia har ein reell sjanse til å få posisjonen.
Konservativt valskred
Interessa for valet i den vesle austtyske delstaten var usedvanleg høg denne gongen. Grunnen er at ytre høgre-partiet Alternativ for Tyskland (AfD) heilt fram til sluttspurten såg ut til å kunne bli det største partiet i delstaten. Hadde det skjedd, ville det skapt ei nasjonal krise.
På valkvelden var det full fest på den tyskspråklege twitterstraumen eg følgjer. For AfD-vart ikkje størst. Dei fekk berre 20,8 prosent av stemmene. Då Hajo Funke, professor i statsvitskap ved Freie Universität Berlin, analyserte delstatsvalet for internasjonal presse denne veka, omtalte han resultatet som eit nederlag for AfD. Han sa også at partiet har mista moment, og at dei kjem til å tape stort i valet i haust.
Funke er ein av Tysklands fremste ekspertar på politisk ekstremisme. Han har bakgrunn frå den politiske venstresida og er blant dei som gler seg over resultatet i Sachsen-Anhalt.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
