Krig
Motstand frå vestlege land
Den norske haldninga er tydeleg, seier Jonas Gahr Støre til NRK.
Fleire vestlege land har uttalt at dei ikkje støttar USAs avgjerd om å donere klaseammunisjon. Den spanske forsvarsministeren, Margarita Robles, sa ifølgje Reuters at klasebomber ikkje burde bli sende for å hjelpe Ukraina.
– Nei til klasebomber og ja til det legitime forsvaret av Ukraina. Slik me forstår det, skal dette gjerast utan hjelp av klasebomber.
Også Tyskland har gått ut og sagt at dei ikkje støttar avgjerda. Tyskland har, til liks med over hundre andre land, ratifisert konvensjonen som forbyr klasevåpen.
Til NRK sa statsminister Jonas Gahr Støre at bruk av klasevåpen strir mot det grunnleggjande prinsippet om å skilje mellom militære og sivile mål. Han meiner den norske haldninga er tydeleg.
– Me tilrår ikkje å bruke dette våpenet og har det som eit klart prinsipp for vår støtte til Ukraina.
Onsdag denne veka sa forsvarsminister Bjørn Arild Gram at regjeringa vil donere 150.000 feltrasjonar og ein støttepakke med Norwegian Advanced Surface-to-Air Missile System (Nasams). Pakken inneheld to eldleidningssentralar, to utskytingseiningar og reservedelar. Tidlegare har Noreg donert to komplette Nasams-eldeiningar til Ukraina, i samarbeid med USA.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
