Når kritikk blir terrorisme
Kva er det som gjer at ein 17 år gamal gut vel å sprengje seg sjølv i lufta, spurde journalist Svetlana Prokopjeva etter eit terrorangrep. I det stadig meir autoritære Russland førte det til at ho sjølv vart sikta for terrorbrotsverk.
Svetlana Prokopjeva. Foto: Lev Sjlossbergs Facebooksida
Foto: Lev Sjlossbergs Facebooksida
«Vondt avlar vondt. Den omsynslause staten fødde ein borgar som gjorde døden til sitt argument. Håpar han er eit unntak.»
7. november 2018: I programmet sitt, «Opplysande stund», på lokalsendinga til radiokanalen Moskvas Ekko i Pskov diskuterer journalist Svetlana Prokopjeva (40) terroråtaket som veka før hadde ramma den nordrussiske byen Arkhangelsk: Ni minutt før klokka ni om morgonen onsdag 31. oktober går ein 17 år gamal gut inn hovudinngangen til den føderale tryggingstenesta FSB. Den fire etasjar høge steinbygningen ligg sentralt i byen i Trotskij-gata ved breidda av elva Dvina. Medan morgontrafikken hastar forbi utanfor, spaserer 17-åringen roleg mot metalldetektoren, opnar sekken og detonerer ei heimelaga bombe. 17-åringen døyr, tre FSB-offiserar vert skadde.
Angrepet kom som ei stor overrasking på Arkhangelsk, ein roleg by ved munninga av Kvitesjøen med rundt 350.000 innbyggjarar. Ikkje berre var åstaden for angrepet mange tusen kilometer unna dei urolege republikkane i Nord-Kaukasus, der sjølvmordsangrep mot militære einingar og politistasjonar er eit stadig tilbakevendande problem. Men i ein beskjed på meldingstenesta Telegram få minutt før angrepet skreiv ein person som seinare vart identifisert som den unge sjølvmordsbombaren, at årsaka angrepet var opplagd: «FSB fabrikkerer straffesaker og torturerer menneske.»
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
