Når presidenten blir gløymsk
President Biden er tydeleg svekt, men det er ikkje grunnlag for å hevde at han har demens, seier nevrolog Per Alf Brodal.
Joe Biden ved Det kvite huset 9. februar. Den siste tida har presidenten vist fleire teikn på sviktande minne, og mange spør seg om han er kognitivt kapabel til å stille til attval i haust.
Foto: Evelyn Hockstein / Reuters / NTB
President Joe Biden i USA er 81 år gammal, og han har ved fleire høve vist teikn på sviktande minne. Likevel stiller han til attval. Mange spør seg om ikkje Biden er for svekt kognitivt til å fungere som president. Donald Trump, den sannsynlege motkandidaten, er på si side 77 år. Kva skjer vanlegvis i menneskehjernen kring 80-årsalderen? Vi spurde Per Alf Brodal, professor emeritus i nevrobiologi ved Universitetet i Oslo.
–?I den alderen har vi som regel tapt ein god del av synapsane, altså koplingane mellom hjernecellene. Det er ikkje slik at vi misser så mange hjerneceller, men det hjelper lite om cellene ikkje har samband med kvarandre. Hjernen skrumpar også fysisk. I snitt er hjernen til ein 80-åring 20 prosent lettare enn hjernen til ein 20-åring. Det meste av tapet er vatn og støtteceller.
–?Det treng ikkje tyde at 20 prosent av kapasiteten er borte?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
