Politikk
Nybø vedgår ingen feil
Tidlegare statsråd Iselin Nybø (V) meiner ho var i sin fulle rett til å bryte taket i leiarlønssystemet i staten då ho tilsette direktør i Eksportfinansiering Noreg.
Tidlegare næringsminister Iselin Nybø (V) før oppfølginga av statens leiarlønssystem med kontroll- og konstitusjonskomiteen på Stortinget måndag denne veka.
Foto: Beate Oma Dahle / NTB
Nybø møtte måndag til «grilling» i kontrollkomiteen på Stortinget. Der opplyste ho at ho hadde «politisk forankring» ved å ha innhenta samtykke frå kommunalministeren, Nikolai Astrup (H). Astrup sjølv stadfesta dette då han forklarte seg for komiteen. Høyringa var eit resultat av Dag og Tids avsløringar i oktober i fjor.
Kronargumentet deira var at Regjeringa stod fritt til å gi dispensasjon frå leiarlønssystemet sidan det var Regjeringa som hadde gjeve regelverket. Ingen av dei to eksstatsrådane ville svare på om andre regjeringsmedlemer eller heile Regjeringa var involvert då Nybø tilsette direktøren som fekk ein løn på «minst» 2,5 millionar kroner, 25 prosent over lønstaket på to millionar.
Nybø argumenterte med at det var «tvingande nødvendig» å tilby denne løna for å få rekruttert den ho ville ha i stillinga. Nybø tok ingen sjølvkritikk, heller ikkje når det galdt manglande informasjon om brotet med retningslinene til Stortinget.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
