Landbruk
Nye møkkareglar kan gå på sjølvforsyninga laus
Nye gjødselreglar skal hindre forureining og betre vasskvaliteten. Men dei kan også bidra til auka klimautslepp, nedleggingar av gardsbruk og mindre norsk sjølvforsyning, ifølgje NMBU-professor Harald Volden.
Eit lenge varsla forslag til nytt gjødselregelverk inneber ei innstramming av kor mykje fosfor i gjødsel det er lov å bruke per dekar, og kva tid det er lov å gjødsle.
Foto: Kjell Herskedal / NTB
Klima- og miljøkrav for landbruket har bidrege til opprør i fleire europeiske land: I Nederland har bønder sett fyr på høyballar og matvarelager og blokkert matbutikkar, vegar, kanalar, hamner og flyplassar i protest mot nasjonale planar om å halvere nitrogenutsleppa i landet fram mot 2030. I Frankrike og Belgia er det protestert mot at bøndene må redusere utslepp og bruk av plantevernmiddel, samstundes som dei skal konkurrere med billegare importvarer som ikkje er produserte etter same miljøkrav og standardar som europeiske varer.
Samla har protestane vore så sterke at EU-kommisjonen har trekt tilbake ei forskrift om å halvere bruken av plantevernmiddel fram mot 2030 og gått tilbake på eit forslag om at landbruket bør redusere skadelege utslepp som ikkje er CO2, med minst 30 prosent på 25 år.
No kjem det nye krav for norsk landbruk også, i form av eit nytt nasjonalt gjødselregelverk. Etter mottakinga å døme, kan det skape uro, det òg.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
