Rekordlang straff etter trippeldrap
To svenske tenåringar vart førre veke dømde til 10 og 12 år i fengsel. Dommen viser kva rolle mindreårige speler i kriminelle nettverk. Og at dei kan verte straffa hardt.
Politiet har sperra av eit område etter at ein 16 år gammal gut har skote to personar, ei småbarnsmor og ein småbarnsfar, i bustaden deira i eit villaområde i Västberga i Stockholm i oktober i fjor. Mannen mista livet, medan kvinna slapp med livstrugande skadar.
Foto: Nils Petter Nilsson / TT / NTB
Då klokka nærma seg ti på eitt natt til torsdag 12. oktober i fjor, vart røynda brått og varig endra for ein småbarnsfamilie i Västberga i Stockholm. Ein då 16 år gammal gut slo og skaut seg gjennom altandøra til familiebustaden med automatvåpen, og drap familiefaren, som hadde lagt seg til å sove på sofaen i stova. 16-åringen gjekk så opp i andre etasje, der han møtte mora, med den minste av to barn på armen. Han kommanderte henne til å snu seg, før han skaut henne i ryggen med to kuler. Ei av dei sneidde den vesle ungen og gjekk gjennom kosebamsen, som vart skitna til med blod. Mora vart livstrugande skadd, men berga livet. Politiet kom til eit hus fylt av krutrøyk og frykt.
Natta etter, natt til fredag 13. oktober, drog 16-åringen til nok ein familieheim med automatvåpen, i Tullinge i Stockholm. Der sov mora i familien, dei tre barna hennar, mormora deira og ei ung kvinne som stod familien nær. 16-åringen kom seg også denne gongen inn gjennom altandøra, før han skaut og drap den unge kvinna på soverommet hennar med sju kuler. Mormora vart drepen ved trappa med fem kuler. Politiet kom til eit hus som dei seinare skildra som ei krigssone.
Vekkjer oppsikt
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
