Kommentar
Russland invaderte Ukraina i 2014
– Avgjerda til Den europeiske menneskerettsdomstolen er truleg den grundigaste gjennomgangen av Russlands involvering i konflikten i Aust-Ukraina sidan april 2014, skriv Eirik Holmøyvik.
Separatisar, prorussiske, russiskstøtta – eller russarar? Russiske offiserar har kommandert oppreisten i Aust-Ukraina heilt sidan 2014, konkluderer Den europeiske menneskerettsdomstolen.
Foto: Efrem Lukatsky / AP / NTB
For dei fleste av oss er datoen 24. februar 2022 klistra til minnet. Bileta av russiske helikopter og panserkolonnar på veg mot Kyiv fjerna all tvil om at Russland hadde invadert Ukraina og starta ein storkrig i Europa. Men når invaderte Russland Ukraina, eigentleg? Ei fersk avgjerd frå Den europeiske menneskerettsdomstolen den 25. januar gjer det klårt at Russland invaderte Ukraina alt i april 2014.
Russland har heile tida nekta for at russiske styrkar hadde vore utplasserte i Aust-Ukraina før 24. februar 2022. I staden har forteljinga til dei russiske styresmaktene vore at det i mars–april 2014 braut ut eit folkeleg opprør mot undertrykkinga av dei russiskspråklege innbyggjarane i Aust-Ukraina. Dette opprøret førte til opprettinga av dei såkalla folkerepublikkane Donetsk og Luhansk.
Russland har heile tida hevda at kamphandlingane i Aust-Ukraina dei påfølgjande åra var mellom separatistar og styresmaktene i Kyiv. Gjennom denne forteljinga har Russland freista å måle eit bilete av ein undertrykt russiskspråkleg minoritet i Aust-Ukraina, som eigentleg ønskjer å vere ein del av Russland.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
