Utanriks
Sabbat i Safed
SAFED: Det er laurdag og kviledag. Gatene ligg aude her i den gamle byen, tusen meter over havet, heilt nord i Galilea.
Safed: Shlomo Lengler førebur sabbatsmåltidet i lag med born, svigerborn og barneborn.
Alle foto: Håvard Rem
Eg drog frå Tel Aviv tidleg i går, med det siste toget før sabbaten, når Israel stoggar i eit døger. Mellom væpna vakter, under stasjonsuret i avgangshallen, stod ein ortodoks og las bøner. Brått smilte han og spurde:
– Er du jødisk? Nei? Kan henda mor di er det. Messias kjem snart.
I går ettermiddag tok eg inn på hotellet i Safed, Artists Colony Inn. Ein gong var planen å utvikla staden til ein kunstnarby, men dei religiøse har teke over.
– Om du treng hjelp med å finna ljosbrytar eller anna teknisk, lyt eg ha beskjed før halv fem, sa eigaren, Shlomo Lengler. Under sabbaten har dei ikkje høve til å trykka på knappar. Eit døger utan dippeduttar lyder som ein klok idé.
– Innan eit kvarter? Eg såg på uret.
–?Sabbaten byrjar før solnedgang. Då kan me ikkje hjelpa deg.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
