Økonomi
Ser ei slagside i direktoratet
Sokkeldirektoratet overdriv verdien av norsk olje og gass, meiner universitetsrektor og petroleumsøkonom Klaus Mohn.
Johan Sverdrup feltsenter ved den offisielle opninga i 2020. Dette feltet vart oppdaga i 2010 og er det siste verkeleg store oljefunnet på norsk sokkel.
Foto: Carina Johansen / NTB
«Norge kan gå glipp av nesten et helt oljefond» – det liknar ei dramatisk, klikkframkallande overskrift i ei nettavis. Men dette var tittelen det statlege Sokkeldirektoratet nytta på pressemeldinga si ved framlegginga av ressursrapporten 21. august. (Om du stussar på namnet, er det fordi Oljedirektoratet skifta namn ved årsskiftet.)
Direktoratet kjem med ein ny ressursrapport omtrent annakvart år. Dette er blant dei viktigaste grunnlagsdokumenta for den norske petroleumspolitikken. Her får lesaren mellom anna oversyn over produksjon av olje og gass, nye funn og attverande ressursar under havbotnen.
Men da årets utgåve skulle presenterast, var det framtida direktoratet vinkla på. «Forskjellen mellom høy og lav produksjon av olje og gass kan utgjøre nesten et helt oljefond, viser Sokkeldirektorarets mulighetsbilder fram mot 2050», heitte det i pressemeldinga. Det er ikkje småtteri. Oljefondet er no verdt over 18 billionar kroner. Men kva tyder eigentleg dette?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
