Politikk
Stortinget fordømde sjølvrekruttering
Statsminister Erna Solberg har tre gongar utnemnt regjeringskollegaer til nye embete. SMK har opplyst at det aldri tidlegare har skjedd at sitjande statsrådar er utnemnde til nye embete. Det er feil.
Jørgen Løvlands regjering 1907–1908 fekk etter avgangen kritikk for sjølvrekruttering. Frå venstre: 1. Sven Aarrestad (V), som vart amtmann i Nedenes, 2. Sofus Arctander (V), som sikra seg embete som finansborgarmeister i Kristiania, 3. Karl Friederich Griffin Dawes (V), 4. statsminister Jørgen Løvland (V), som fekk ny jobb som tollskrivar i Kristiania, 5. Johan Magnus Halvorsen (MV), 6. Abraham Berge (V), utnemnd til amtmann i Jarlsberg og Larvik.
Foto: Wikimedia Commons
Stortinget tok i 1909 eit kraftig oppgjer med ein utnemningspraksis som den statsminister Erna Solberg (H) har innført etter at ho vart statsminister i 2013. Kong Haakon tok også avstand frå ein slik praksis.
Då regjeringa til Jørgen Løvland (V) gjekk av i mars 1908, sytte regjeringa for å utnemne fire av statsrådane, inkludert statsminister Løvland, til nye embete. I møte med den nye regjeringa leia av Gunnar Knudsen (V) gav kong Haakon klart uttrykk for at han mislikte det den avgåtte regjeringa hadde gjort. Han spurde Knudsen om regjeringa hans hadde tenkt å fylgje same praksis.
Knudsen svara kontant nei, og det gjorde også dei andre statsrådane som var i sitt første statsråd på slottet 19. mars 1908.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
