Humor
Tull med toll
No skal eg fortelja kvifor eg alltid tek bilete av pakkar eg får frå utlandet.
Illustrasjon: May Linn Clement
Eg har fått ein hentelapp frå Posten, det er syster mi som har sendt meg ei gåve frå USA, og eg køyrer til Rema 1000 for å henta pakken.
– Du må betala 74 kroner i forenkla fortolling, seier mannen bak disken.
Eg betalar, sjølv om det er feil. Det nyttar ikkje byrja å krangla her. Mannen er butikkmedarbeidar og berre eit mellomledd mellom Posten og meg. Om eg ikkje betalar, får eg ikkje pakken.
Eg ber om kvitteringa og dreg heim. Dette har eg gjort før. Frå no av har eg ein fast rutine på kva eg gjer vidare.
Fyrst fotograferer eg etiketten, som viser tre fakta: Pakken er send frå ein privatperson, er tydeleg merkt som gåve, og verdien er ført opp som 10 dollar, altså langt under 1000 norske kroner, som er grensa for kva som skal fortollast av gåvesendingar til landet. Når desse tre punkta er innfridde, skal ein ikkje betala noko. Det er iallfall status før Trump rokkar ved tollmurane.
Eg har ein innebygd respekt for tollsystemet. Eg rettar meg opp i ryggen når eg trillar gjennom grøn sone på flyplassen, og reinskar stemma når eg opnar laptopen, tastar meg inn på Posten.no og trykkjer på den raude, smilande snakkebobla nede til høgre. Slik etablerer ein samtale med ein chatrobot.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
