Valet mellom rein, drakar og moskus
Riving av turisthytter, stenging av stiar, forbod mot padling, nedskyting av moskusstammen. Statsforvaltarane kjem no med radikale framlegg for å utvida vernet av Hardangervidda og Dovre.
Moskusokse på Dovre i november 2023. Geit og sau er dei næraste slektningane til moskusen her i landet. Tanken om å reintrodusera dyret i norsk fauna kom i 1913 då jarnbanesluskar på Dovrebanen fann fossile ryggvirvlar etter moskus frå istida.
Foto: Ulf Berntsen
Folk som er glade i den norske fjellheimen, gjer seg for tida kjende med radikale endringsframlegg. For delar av Hardangervidda og Dovre er det no tale om inngripande tiltak. Dei vil endra ferdsla i fjellet for både ung og gamal, sprek og makeleg.
Framlegg om forbod
Det er framlegg om stenging av kjende turisthytter. Somme av dei vil ein riva. Ein vil leggja om populære stiar. Somme av dei vil ein leggja ned. Ein vil redusera ferdsla på vegar som fraktar folk, mellom andre dei mindre spreke, langt inn i fjellheimen.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
