Våpenet over alle våpen
I Japan minnest dei offera for atombombingane av Hiroshima og Nagasaki. I kinosalar verda over ser folk filmen om mannen som meir enn nokon andre gjorde bombinga av byane mogleg.
Dr. J. Robert Oppenheimer i 1947, då han vart leiar for Princetons Institute for Advanced Study i New Jersey.
Foto: AP / NTB
Førre søndag, 6. august, markerte omtrent 50.000 menneske i Hiroshima at det var 78 år sidan USA sleppte ei atombombe over byen. Mellom 70.000 og 140.000 vart drepne – nokre med ein gong av varme- og sjokkbølga, andre fordi bygningar kollapsa over dei, nokre av radioaktiv stråling, andre av flammane og mange av fleire ting samtidig. Tre dagar seinare sleppte USA ei ny atombombe over Nagasaki.
Under markeringa på søndag ringde ei klokke kvart over åtte om morgonen, tidspunktet bomba vart sleppt i 1945, etterfølgt av ein augneblink med stille. Japans statsminister Fumio Kishida heldt ein tale:
– For 78 år sidan i dag tok éi enkelt atombombe meir enn 100.000 dyrebare menneskeliv. Ho reduserte byen til oske, og i løpet av eit augneblikk tok ho framtid og draumar frå menneska. Også dei som unngjekk døden opplevde liding ord knapt kan fange.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
