– Vi har kryssa grensa for kva som er forsvarleg
Psykiater Randi Rosenqvist meiner nedbygginga av sengeplassar i psykiatrien har gått altfor langt. Og det er dei med alvorlege psykiske lidingar som har kome dårlegast ut.
– Reformene av psykiatrien og overgangen til poliklinisk behandling har vore bra for mange. Men dei som er aller sjukast, dei som ikkje er i stand til å bu for seg sjølv, har tapt, seier Randi Rosenqvist.
– Når det viser seg at somme pasientar fungerer verkeleg dårleg, har mange kommunar ingenting å møte dei med. Det har vore ei ideologisk overtyding om at det beste er å bu for seg sjølv, men det stemmer ikkje for alle. Eg mistenkjer at dei som har lagt planane i departementa, ikkje eigentleg skjøner kor sjuk det går an å vere. Og eg trur òg det har spela ei rolle for politikarane at poliklinisk behandling er billegare enn innlegging.
Økonomiske omsyn påverkar òg avgjerdene til helseføretaka på dette feltet, meiner Rosenqvist.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
