Vil ha fram nyansane
Sjef for Politiets utlendingseining Arne Jørgen Olafsen ser ikkje grunn til å kritisere politiet sitt arbeid i Kongsberg.
Politiet gjer undersøkingar i Kongsberg sentrum. Alle dei fem som vart drepne i Kongsberg, vart drepne etter at politiet fekk kontakt med gjerningsmannen.
Foto: Håkon Mosvold Larsen / NTB
Det står fram som ein tragedie i tragedien når det kjem nyhendemeldingar som den vi fekk førre torsdag, om at alle dei fem som vart drepne i Kongsberg, vart drepne etter at politiet fekk kontakt med gjerningsmannen.
Dei to fyrste polititenestepersonane som kom til Coop Extra-butikken i Kongsberg sentrum onsdag kveld, hadde våpen, men lét verneutstyret liggje i bilen for å gå «rett i aksjon». Etter å ha vorte skotne mot to gonger med pil og bue inne i butikken, trekte dei seg tilbake til inngangspartiet i butikken, syner ein video VG har fått tilgang til. Like etter klarte gjerningsmannen å kome seg unna politiet.
Dag og Tid har snakka med Arne Jørgen Olafsen. Han er i dag sjef for Politiets utlendingseining, men var tidlegare politimeister i Follo politidistrikt og visepolitimeister i Øst politidistrikt. I tillegg var han medlem av utvalet som i 2016 og 2017 vurderte politiets væpningspraksis.
– Er terskelen for å bruke våpen for høg?
– Det har eg ikkje grunn til å seie, men det er heller ikkje eit tema det er forska på enno. Eg veit at Politihøgskulen no vurderer om det skal forskast på. Men det er klart at når alle tilfelle med bruk av skytevåpen skal til Spesialeininga for politisaker og i tillegg vert vurderte av media, er konsekvensane store også for dei som skyt. Konsekvensane er jo alt store nok for den det vert skote mot, og så vert det mykje i tillegg.
– Har dette noko å seie for avgjerda om å bruke våpen eller ikkje?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
