Kommentar
Val for å hylla eit diktatur
Denne helga går veljarane i Russland til urnene for å stadfesta makta til diktatoren Vladimir Putin. For 35 år sidan var landet på vegen mot demokrati. Korleis kunne det gå så gale?
Vladimir Putin smykka seg 7. mars med kvinnelege avgangsstudentar på pilotskulen i Krasnodar.
Foto: Mikhail Metzel / Sputnik / Reuters / NTB
I augustdagane i 1991 hadde Boris Jeltsin, saman med folket i Moskva, slege ned eit kupp der generalane i KGB freista igjen å gjera Russland til eit diktatur. Då Jeltsin tala til ei begeistra folkemengd rett utanfor parlamentet ved Moskva-elva, proklamerte han at plassen der dei no stod, skulle døypast om til «Det frie Russlands plass».
Underteikna stod berre nokre meter bak Jeltsin. Eg høyrde på talen hans og såg ut over folkemengda. At diktaturet igjen skulle etablera seg i Russland, såg umogleg ut. Kommunistpartiet var i full oppløysing, og generalane i KGB var på veg inn i fengsel. Russland hadde valt demokratiet.
Denne helga er det presidentval i Russland. Talsmannen til Putin, Dmitrij Peskov, har for lenge sidan kunngjort resultatet: 80 prosent av veljarfolket vil møta fram for å røysta. Av dei vil 80 prosent røysta på Vladimir Putin. Når me får resultatet sundag kveld eller måndag føremiddag, kjem det til å liggja om lag der. Alle veit at det ikkje har vore eit fritt val. Alle veit at målet med valet var å gje ein diktator eit skinn av legitimitet.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
