Sterkt om livsløgn og overleving
Gode skodespelarprestasjonar i intens kamp på liv og død.
Laila Goody, Maria Ómarsdóttir Austgulen, Trond Espen Seim og John Emil Jørgenrud i nachspielet frå helvete som stykket til Edward Albee blir kalla.
Foto: Erika Hebbert
Nationaltheatret, Kanonhallen
Edward Albee:
Hvem er redd for Virginia Woolf?
Omsett av Svein Sturla
Hungnes
Regi: Hanne Tømta
Scenografi og kostyme: Nora Furuholmen
Lysdesign: Øyvind Wangensteen
Denne drygt seksti år gamle, intenst destruktive klassikaren er eit stykke som gir dei gode skodespelarane rom for å briljere, og Laila Goody gjer det nesten til overmål. Ho tek over heile scena, men gjer samstundes den kvinnelege hovudpersonen så hektisk vulgær at det går lang tid før vi skjønar at det også bur andre sider i henne.
Hovudpersonane i denne samlivskrisa over alle samlivskrisar er ekteparet Martha (Goody) og George (Trond Espen Seim). Han er ein mislykka historikar ved eit amerikansk universitet, ho er dotter av rektor og ei som hadde sett for seg at mannen skulle bli instituttleiar og etter kvart rektor.
Etter ein semesteropningsfest har Martha invitert eit nytt ektepar heim til eit lite nachspiel. Biologen Nick (John Emil Jørgensrud) og Honey (Maria Ómarsdóttir Austgulen) kjem optimistiske og inkjeanande til det som snart skal syne seg som eit nachspiel frå helvete – med dei to som katalysatorar og reiskapar i ein intern kamp på liv og død, med audmjuking som hovudingrediens.
Livet har blitt eit nederlag for både Martha og George. Sjølv barn har dei ikkje kunna få, i staden har dei skapt ein illusjon om ein son dei har dikta opp. Og innan natta er omme, er også denne livsløgna torpedert. Når George i ei uhyre sterk scene til slutt tek livet av fantasisonen deira, er det ikkje berre liksomlivet deira han punkterer, men også The American Dream. For namna på ekteparet er ikkje tilfeldig valde, dei er henta frå landsfader George og Martha Washington.
Så er spørsmålet – kan noko konstruktiv byggjast på desse ruinane? Det fortel ikkje stykket noko om.
Dei som har sett filmklassikaren med Elizabeth Taylor og Richard Burton, vil minnast ein meir støyande versjon enn Hanne Tømta presenterer i Kanonhallen. Tømtas løysing, som også gjer meir ut av komikken, fungerer godt, men med ein infamt neddempa George synest avstanden mellom dei to ektefellane å bli litt for stor, dei står ikkje heilt godt til kvarandre. Ho auser ut all gifta si tilsynelatande ukontrollert, han svarar stillare, men meir etsande inderleg – på eit vis som betre får fram desperasjonen som eg trur rir dei begge.
Samspelet mellom dei er likevel framifrå. I år etter år har dei såra kvarandre, som straff for eit mislykka ekteskap, ein mislykka karriere, eit mislykka liv. Men dei har ingen andre og har sokke ned i ein drepande avhengnad som det er uråd å løyse seg frå.
I denne tragedien blir Nick og Honey sporvar i tranedansen, tilskodarar som likevel blir trekte inn i den verbale krigen og får eksponert sin eigen veikskap. Austgulen løftar Honey frå bimboaktig kvinne til noko sterkare, medan Jørgensrud blir noko stiv i rolla som den karrieremedvitne nykommaren på universitetet.
Jan H. Landro
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Nationaltheatret, Kanonhallen
Edward Albee:
Hvem er redd for Virginia Woolf?
Omsett av Svein Sturla
Hungnes
Regi: Hanne Tømta
Scenografi og kostyme: Nora Furuholmen
Lysdesign: Øyvind Wangensteen
Denne drygt seksti år gamle, intenst destruktive klassikaren er eit stykke som gir dei gode skodespelarane rom for å briljere, og Laila Goody gjer det nesten til overmål. Ho tek over heile scena, men gjer samstundes den kvinnelege hovudpersonen så hektisk vulgær at det går lang tid før vi skjønar at det også bur andre sider i henne.
Hovudpersonane i denne samlivskrisa over alle samlivskrisar er ekteparet Martha (Goody) og George (Trond Espen Seim). Han er ein mislykka historikar ved eit amerikansk universitet, ho er dotter av rektor og ei som hadde sett for seg at mannen skulle bli instituttleiar og etter kvart rektor.
Etter ein semesteropningsfest har Martha invitert eit nytt ektepar heim til eit lite nachspiel. Biologen Nick (John Emil Jørgensrud) og Honey (Maria Ómarsdóttir Austgulen) kjem optimistiske og inkjeanande til det som snart skal syne seg som eit nachspiel frå helvete – med dei to som katalysatorar og reiskapar i ein intern kamp på liv og død, med audmjuking som hovudingrediens.
Livet har blitt eit nederlag for både Martha og George. Sjølv barn har dei ikkje kunna få, i staden har dei skapt ein illusjon om ein son dei har dikta opp. Og innan natta er omme, er også denne livsløgna torpedert. Når George i ei uhyre sterk scene til slutt tek livet av fantasisonen deira, er det ikkje berre liksomlivet deira han punkterer, men også The American Dream. For namna på ekteparet er ikkje tilfeldig valde, dei er henta frå landsfader George og Martha Washington.
Så er spørsmålet – kan noko konstruktiv byggjast på desse ruinane? Det fortel ikkje stykket noko om.
Dei som har sett filmklassikaren med Elizabeth Taylor og Richard Burton, vil minnast ein meir støyande versjon enn Hanne Tømta presenterer i Kanonhallen. Tømtas løysing, som også gjer meir ut av komikken, fungerer godt, men med ein infamt neddempa George synest avstanden mellom dei to ektefellane å bli litt for stor, dei står ikkje heilt godt til kvarandre. Ho auser ut all gifta si tilsynelatande ukontrollert, han svarar stillare, men meir etsande inderleg – på eit vis som betre får fram desperasjonen som eg trur rir dei begge.
Samspelet mellom dei er likevel framifrå. I år etter år har dei såra kvarandre, som straff for eit mislykka ekteskap, ein mislykka karriere, eit mislykka liv. Men dei har ingen andre og har sokke ned i ein drepande avhengnad som det er uråd å løyse seg frå.
I denne tragedien blir Nick og Honey sporvar i tranedansen, tilskodarar som likevel blir trekte inn i den verbale krigen og får eksponert sin eigen veikskap. Austgulen løftar Honey frå bimboaktig kvinne til noko sterkare, medan Jørgensrud blir noko stiv i rolla som den karrieremedvitne nykommaren på universitetet.
Jan H. Landro
Fleire artiklar
Laila Goody, Maria Ómarsdóttir Austgulen, Trond Espen Seim og John Emil Jørgenrud i nachspielet frå helvete som stykket til Edward Albee blir kalla.
Foto: Erika Hebbert
Sterkt om livsløgn og overleving
Gode skodespelarprestasjonar i intens kamp på liv og død.
Den nye statsministeren i Frankrike, Michel Barnier, blir klappa inn av den utgåande, Gabriel Attal, i ein seremoni på Hôtel Matignon i Paris 5. september.
Foto: Stephane De Sakutin / Reuters / NTB
Ny statsminister med gjeld, utan budsjett
No lyt alt skje raskt i fransk politikk for å avverje nye kriser.
Justis- og beredskapsminister Emilie Enger Mehl på veg til pressetreffet om motarbeiding av kriminalitet. Også statsminister Jonas Gahr Støre og finansminister Trygve Slagsvold Vedum deltok.
Foto: Thomas Fure / NTB
– No ser me effekten av færre politifolk
Det er mykje regjeringa kunne gjort som dei ikkje har gjort. Me er ikkje imponerte, seier Helge André Njåstad (FrP).
Den oppdaterte boka om rettens ironi er ei samling av tekstar frå Rune Slagstad gjennom førti år.
Foto: André Johansen / Pax Forlag
Jussen som styringsverktøy
Rettens ironi, no i fjerde og utvida utgåve, har for lengst blitt ein klassikar i norsk idé- og rettshistorie.
Finn Olstad har doktorgrad i historie og er tidlegare professor ved Seksjon for kultur og samfunn ved Noregs idrettshøgskule.
Foto: Edvard Thorup
Det nye klassesamfunnet
Finn Olstads nye bok er eit lettlese innspel til ei sårt tiltrengd innsikt i skilnaden mellom fakta og ideologi.