Reportasje
Gatemett
Når eg er i Brasil, et eg helst rett frå gata.
Sola skin – popkornet er varmt og ølen er kald i Salvador. Sola skin – popkornet er varmt og ølen er kald i Salvador.
Siri HelleSiri Helle
Det er ein heilt vanleg dag i ei gate i ein by i Brasil. Her er bilar, motorsyklar, lastebilar, bygningsarbeid, støy, og varme – så mykje varme – og så er det alle luktene. Av og til luktar det tiss, av og til gammalt fyll, av og til hav, av og til parfymen til personen som går forbi meg, og nesten heile tida luktar det ulike former for mat.
Kaffi kan det lukte. Eller søt ketsjup. Popkorn. Ost steikt på glør, bønnegryte, frityrolje (ikkje minst det), fersk bakst, grilla kjøt, hønsesuppe, churros, rista maniokmjøl, frukter eg meir eller mindre kan kjenne att.
Det er restaurantar langs gata, sjølvsagt er det det, meir og mindre formelle stadar med og utan dør (det er stort sett berre matstadar med aircondition som har dør, dei utan har opningar rett ut i gata), men luktene kjem ikkje fyrst og fremst derifrå. Dei kjem frå Brasils største – og kanskje beste – restaurant: alle matseljarane i gata.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
