Reportasje
Hjarta i Dalane
SOKNDAL: Får du tid til å forlata allfarvegen gjennom Dalane, kjem du til særeigne og sogerike Sokndal, der Johnny Nesvåg gjev kysttradisjonane liv og Rosslandsguden gjev folkevandringstida eit andlet.
På ei høgd på Rossland, «hestestaden», i Sokndal har steinaltaret stått i truleg 1500 år. Bak ser ein kopiar av det ein trur har vore eit gudehovud og eit blotekar. Originalane står i Jøssingfjord Vitenmuseum. Ved hovudet står vegvisaren min, Frank Tønnesen, som bur på Haua, men voks opp på Rossland, der slekta på morssida kjem frå.
Alle foto: Håvard Rem
Sokndal er den einaste av dei fire Dalane-kommunane som ligg utanfor allfarveg. Både jarnbanen og europavegen forlèt kysten alt i Agder. Toget kjem ikkje lenger ned til hamna i Egersund, og E39 går inne i landet heilt til Sandnes. Er det difor mange tenkjer på Dalane som innland?
Kystdelen av regionen er utan dei store transportårane dersom ein ser bort frå den historisk sett viktigaste vegen, havet. Halve Dalane ligg mot havet, halve Sokndal òg. Eg er på veg til kystgrenda Nesvåg. Ho ligg midtveges mellom Åna-Sira i aust og Egersund i vest, ei lita mil frå administrasjonssenteret i Sokndal kommune, Sokndal med o-ljod, Hauge i Dalane, Haua mellom vener.
Johnny Nesvåg hentar meg i ein Volvo Felt, ein militærgrøn terrengbil, og bakoversveisen eg får i den sumaropne feltvogna, legg seg ikkje når me kjem fram til kystgrenda – ein soldag som denne vert ikkje venare enn i Nesvåg.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
