Teknologi
Navigasjonssystem
Sirkelen viser kva område den litt dumme «best først»-algoritmen vil sjekke når navigasjonssøket tek med eit kryss i Stavanger. Ellipsen viser heile området som vil bli sjekka av den smarte A*-algoritmen når han har funne den endelege vegen frå Baroniet i Rosendal til Huset Aukrust.
Kartet er frå Google Maps
I sommarferien er det mange som køyrer i ukjende trakter for å sjå seg om og oppleve spanande turistattraksjonar. Endå fleire bilistar har det blitt no under koronaen, sidan vi alle må dra på noregsferie.
Eit viktig verktøy for bilturisten er GPS-en, navigasjonssystemet eller den digitale reiseplanleggjaren. Mange bilmodellar har installert GPS i dashbordet, Garmin eller TomTom kan festast på frontruta, eller kanskje du brukar Google Maps på mobilen.
Navigasjonssystemet kan til dømes hjelpe ein sjåfør å finne den kortaste vegen frå Baroniet Rosendal til Huset Aukrust i Alvdal. I løpet av eitt sekund reknar datamaskina ut den beste ruta og viser kanskje òg eit par alternativ. Han fortel sjåføren at det trengst nærmare ni timars køyring for å komme seg frå den eine attraksjonen til den andre. Sjåføren kan òg leggje inn krav om at det ikkje skal betalast bompengar, at det ikkje skal vere ferjestrekningar, og liknande avgrensingar, og då endrar ruta seg.
Det er ein smart algoritme som finn svaret på dette problemet. Han kan brukast med kva som helst slags startpunkt og reisemål og gjev alltid eit resultat så sant det faktisk finst ein veg mellom punkta. Algoritmen kan òg brukast under sjølve transporten. Vegar kan bli stengde eller det kan vere køar, og då kan navigasjonssystemet foreslå ein alternativ veg medan du køyrer.
Navigasjonsstøtte i sanntid er basert på at GPS-en i bilen kan lokalisere kvar du er, ved hjelp av det satellittbaserte posisjoneringssystemet som han er kopla til, men sjølve utrekningane av den beste vegen skjer faktisk uavhengig av dette systemet.
Algoritmen treng eit målpunkt og eit startpunkt for søket etter den raskaste vegen. I tillegg må han òg ha kartdata, det vil seie informasjon om kor langt det er frå eitt vegkryss til eit anna, fartsgrenser og andre trafikktilhøve. Då kan algoritmen lage eit estimat av kor lang tid som trengst for å køyre frå eitt kryss til det neste.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
