Reportasje
Farvel, Færøyane!
Det skulle gå fem hundre år før den fyrste danske kongen vitja Færøyane. Elles noko om delfinar, sau og undersjøiske tunnelar.
Færøyane består av atten store øyar og nær åtte hundre småøyer, holmar og skjer. Sandoy er mi niande øy, og med den har eg då vore på halvparten av hovudøyane.
Alle foto: Hallgeir Opedal
Færøyane 2024
I seks somrar på rad har Hallgeir Opedal vore på reise for Dag og Tid. Han har gått heim til Odda, padla Themsen, besøkt Sverige, Danmark, Finland og Island. Denne sommaren sende vi han til Færøyane. Her er rapporten hans.
Dag 6–7: Runavik–Vágar–Sandoy–Tórshavn–Vágar
Eg vaknar med sola i andletet. Ein hane gjel. Måtte alle mine morgonar starte på same vis, utkvilt og utrøytt med solskin og hanegal. Klokka er over åtte, og normalt ville det stressa meg, men det er laurdag, og etter den intense gårsdagen med kvalmassakre og heseblesande fjelltur meiner eg meg fortent til å ligge frampå.
Eg har heller ingen klar plan for dagen. Eg er komen til Runavik, og det at eg vaknar på hotellet ved den lune fjorden her sør på Eysturoy, er tilfeldig.
I går ettermiddag gjekk eg altså opp til Kallur fyrtårn ytst på Kalsoy, eit av dei mest kjende fotomotiva frå Færøyane. På bussen attende mot ferjekaien kom eg i snakk med eit par frå Gliwice i Polen. Ho elska norsk tungmetall, han lika fotball. No skulle dei til Runavik for å sjå NSÍ Runavik møte KÍ Klaksvik. Dei ville berre rekke det siste kvarteret av kampen, men det var turen verdt, meinte han.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
