Reportasje
Om sau og sjølvstende
Amerika har Kennedy-klanen, Færøyane har Patursson-klanen – og 70.000 sauer.
Sauene er henta ned frå fjellet til garden til familien Lützen i Sydradalur for å bli klipte. Ein gong sa dei at ull var gull, men slik er det ikkje lenger. No blir det meste av ulla brend.
Alle foto: Hallgeir Opedal
Færøyane 2024
I seks somrar på rad har Hallgeir Opedal vore på reise for Dag og Tid. Han har gått heim til Odda, padla på Themsen, besøkt Sverige, Danmark, Finland og Island. Denne sommaren sende vi han til Færøyane. Her er hans rapport.
Dag 2: Tórshavn–Kirkjubøur–Sydradalur–Tórshavn
Nei! Straks eg slår augo opp, skjønar eg at eg har forsove meg. Eg bykser ut av senga og dreg frå dei golvside, tette gardinene. Utsikta frå rommet her i femte etasje på hotell Hafnia er endå meir imponerande i dagslys enn ho var i natt. Rett imot ser eg tårnet på Tórshavn domkyrkje, og den store urskiva viser ti over åtte. Ti over åtte!
Færøyane ligg ein time etter Noreg, så for meg er ho eigentleg ti over ni. Bakom kyrkjetårnet ser eg den vestre hamna og sentrum, og oppover dei slake fjellsidene gneistrar skarpt sollys i ein mosaikk av raude, gule og kvite hus. Igjen blir eg slått av kor mange lauvtre det er i Tórshavn. Færøyane elles er trelause, men her, luna av byen, veks det store tre av alle slag. Og for eit vêr – sol og jagande skyer.
Det blei seint i går kveld, og årsaka var at eg lenge grunda på kva eg skulle svare Jenis av Rana. Den kristenkonservative politikaren hadde omsider svara at han kunne treffe meg for å snakke om åndskampen, men kor tid?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
