Livredning: «Korleis kan eg vite at eg slår passeleg hardt, og ikkje slår ein hjerneskade på vedkommande?»
Sport før og no
– Viss han har panikk, slår du til han slik at han svimar av. På denne måten kan du enklare dra i land den personen som held på å drukne.
Det var dette me lærte på livredningskursa før. Og me forstod poenget, det er vanskeleg å redde ein panisk kavande person, i verste fall vil han dra begge ned.
Men å fyre til ein druknande person i ansiktet til han svimar av, er likevel noko eg ser for meg at eg, og fleire, hadde hatt store problem med.
I 1998 kunne Norsk Førstehjelpsråd presentere livreddande førstehjelp på CD-rom.
Foto: Tor Richardsen / Scan-Foto / NTB
Korleis kan eg vite at eg slår passeleg hardt, og ikkje slår ein hjerneskade på vedkommande? Sist veke var eg på nytt livredningskurs. Alle som skal ha ansvar for symjande elevar, må oppdatere kurset kvart år.
Sjølv om ein alltid angrar på påmeldinga idet ein står der og skal uti den mørke sjøen, er vi alle samde om at slike kurs er ei bra greie.
Det finst alltid ting ein kan bli betre på, som kursleiaren seier. Små nyansar kan også vere endra, ikkje at det er dei små nyansane som tel: «Det viktigaste er å gjere noko», lærer me.
Men kva med å slå folk i svime, skal ein gjere det også i 2024? Eg spurde friskusen av ein instruktør.
Og nei, han ville faktisk ikkje anbefale å slå. Det heile handlar om å skaffe seg ein forlengd arm, det vil seie ein gjenstand du kan ha mellom deg sjølv og personen du skal redde.
Dersom du har all di livredningserfaring frå CJ og Mitch, er det nok nyttig med ei oppfrisking.
Skjermdump DVD-cover
Til dømes kan det vere ein slik raud flytedings dei har i Baywatch, eller det kan vere ein genser, ein pinne eller eit tau. Når personen i panikk kan gripe rundt den forlengde armen, slepp du å slå han i svime. Takk og pris for det.
Maren Bø
Maren Bø er frilansskribent og idrettspedagog.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Sport før og no
– Viss han har panikk, slår du til han slik at han svimar av. På denne måten kan du enklare dra i land den personen som held på å drukne.
Det var dette me lærte på livredningskursa før. Og me forstod poenget, det er vanskeleg å redde ein panisk kavande person, i verste fall vil han dra begge ned.
Men å fyre til ein druknande person i ansiktet til han svimar av, er likevel noko eg ser for meg at eg, og fleire, hadde hatt store problem med.
I 1998 kunne Norsk Førstehjelpsråd presentere livreddande førstehjelp på CD-rom.
Foto: Tor Richardsen / Scan-Foto / NTB
Korleis kan eg vite at eg slår passeleg hardt, og ikkje slår ein hjerneskade på vedkommande? Sist veke var eg på nytt livredningskurs. Alle som skal ha ansvar for symjande elevar, må oppdatere kurset kvart år.
Sjølv om ein alltid angrar på påmeldinga idet ein står der og skal uti den mørke sjøen, er vi alle samde om at slike kurs er ei bra greie.
Det finst alltid ting ein kan bli betre på, som kursleiaren seier. Små nyansar kan også vere endra, ikkje at det er dei små nyansane som tel: «Det viktigaste er å gjere noko», lærer me.
Men kva med å slå folk i svime, skal ein gjere det også i 2024? Eg spurde friskusen av ein instruktør.
Og nei, han ville faktisk ikkje anbefale å slå. Det heile handlar om å skaffe seg ein forlengd arm, det vil seie ein gjenstand du kan ha mellom deg sjølv og personen du skal redde.
Dersom du har all di livredningserfaring frå CJ og Mitch, er det nok nyttig med ei oppfrisking.
Skjermdump DVD-cover
Til dømes kan det vere ein slik raud flytedings dei har i Baywatch, eller det kan vere ein genser, ein pinne eller eit tau. Når personen i panikk kan gripe rundt den forlengde armen, slepp du å slå han i svime. Takk og pris for det.
Maren Bø
Maren Bø er frilansskribent og idrettspedagog.
Fleire artiklar
Cissy Houston
Wikimedia Commons
Arkivet: Emily «Cissy» Houston (1933–2024)
Berlin: Med bandet kring seg står Bob Dylan ved flygelet og spelar munnspel.
Foto: Håvard Rem
Som å lesa ei bok
Dylan (83) vert eldre, men skriv og syng betre.
Teikning: May Linn Clement
«Øving er ei form for arbeid, og sanneleg heng øva etymologisk saman med latin opus (‘arbeid, verksemd’).»
Det var ein fiskar som oppdaga kvalflokken denne fredagsmorgonen, og så gjekk alarmen. Det blei bestemt at han skulle takast inn til Hvannasund. Der venta om lag hundre menneske som var varsla gjennom ei lukka gruppe på Facebook.
Alle foto: Hallgeir Opedal
Grinda kjem!
I dag har eg vore med på å drepe 220 grindkvalar. Ja, mogleg det var 230, eg mista teljinga.
Filmen følgjer Lunies-familien, som har vore splitta i lang tid.
Foto: Selmer Media