Å leve før døden
Sjølv om teikneserieskapar Lise Myhre er sjenerøs med svartfargen, banneorda og tungrocken, handlar ikkje Nemi om å tilbe døden.
– Meir enn noko er eg nerd, og står opp fem om morgonen for å få med meg Game of Thrones, seier teikneserieskapar og illustratør Lise Myhre.
Foto: Mone Celin Skrede
Lise Myhre stoppar midt i ei setning og ler høgt under ein kvit solskjerm på Ekeberg i Oslo.
– Det er som å ha ein gremlin ved sida av seg, seier ho.
Ein fransk bulldogg ved nabobordet er svært tett i nasen. Sett bort frå «gremlinen», eigaren hans, skiltet som reklamerer for nysteikte vaflar, og tyggiskuleautomaten utanfor kafédøra, er verda på veg til å bli grøn. Diktsamlinga Nattlys, bok nummer 20 om Nemi, er ein kontrast til vårsola.
Om døden ...
Myhre sjølv er bleik og svartkledd. Ikkje så ulik seriefiguren sin, som ved sida av Pondus er Noregs største teikneseriesuksess og Noregs mest omsette teikneserie. I arbeidet med dei to diktsamlingane Drømmesvart og Nattlys fann Myhre ut at stripene hennar kan delast inn i fem kategoriar.
– Kjærleik, kjærleikssorg, samfunnskritikk, død og angst, seier ho og småler.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
