– Alle menneske ønskjer aksept
Sumaya Jirde Ali meiner vi må lytte til dei som nektar å kalle seg norske. Sjølv er ho ikkje i tvil om sin norske identitet.
Sumaya Jirde Ali då ho presenterte den nye boka si hausten 2018.
Foto: Lise Åserud / NTB
Debatten om kva det vil seie å vere norsk, fekk ein ny vri 11. januar. Då publiserte Fawad Ashraf, debattredaktør i Avisa Oslo, ein tekst med tittelen «Norsk nok for de svina». Ashraf skreiv at han ikkje lenger vil kalle seg norsk, fordi han stadig opplever at det vert stilt spørsmål ved den norske identiteten hans. Kvifor skal han, «som på alle parametere er integrert», akseptere det?
Sumaya Jirde Ali er redaktør i det feministiske tidsskriftet Fett. Ho meiner det er viktig å ta dette spørsmålet opp til debatt.
– Første gong eg las innlegget, kjende eg på ein instinktiv motstand. Det er fordi eg er trygg på min eigen norske identitet. Men så stoppa eg opp og reflekterte over den motstanden eg kjende på. Då forstod eg at det ikkje har noko med valet til Ashraf å gjere, det må han få bestemme sjølv. Eg er glad for at han tar debatten, og skulle ønskje fleire tok seg tid til å reflektere over bodskapen hans.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
