Arbeidaren som hata håpetI romanen skriv Adelheid om sinnet og mennesket inne i arbeidaren, og ho skriv det på solungdialekt.
I romanen Den hvite elgen skriv Adelheid Seyfarth om sinnet og mennesket inne i arbeidaren, og ho skriv det på solungdialekt.
Adelheid Eshitok Seyfarth Gulbrandsen er aktuell med ein ny roman.
Foto: Mone Celin Skrede
– Utan dialekten hadde det ikkje gått an å skrive om Robert, seier Adelheid Seyfarth, som er har skrive si fjerde bok på solung, dialekten frå Solør på Finnskogen.
Den hvite elgen handlar om ein mann som sit fast i sitt eige arbeidartilvære. Når han finn ein attgløymd fiolin, og får auge på ein kvit elgkalv, opnar eksoståka seg rundt han, og han lèt seg freiste av håpet om noko betre.
– Eg forsøkte å skrive delar av det om til normert bokmål, men då døydde karakteren Robert, seier forfattaren.
arbeidarrørsla
Ho er sjølv frå Grue, som hovudpersonen i boka, og har vore svært involvert i arbeidarrørsla i lange periodar.
– Eg har alltid vore nær på arbeidarkulturen. Eg ville skrive oppgåve om litteraturen til forfattaren og rallaren Kristofer Uppdal då eg studerte, og tok til å skrive om arbeidarklassetemaet. Men mitt prosjekt er ikkje eit tilsvar på straumen av samtidslitteratur om arbeidarklassen. Eg ville ikkje at dette skulle verte endå ein roman om kvardagsheltane. Det var viktig for meg å skrive om mennesket Robert Langberget, sjølv om han er anleggsarbeidar, seier ho.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
