Avgrunnen mellom islam og Vesten
For ti år sidan skreiv forfattar, imam og advokat Seyran Ates at islam treng ein seksuell revolusjon. No har revolusjonen byrja, meiner ho.
Seyran Ates ønskjer seg eit islam der seksualiteten er fri, privat og sjølvbestemt for begge kjønn.
Foto: Julius Matuschik
Lytt til artikkelen
– Dette er min idé: Situasjonen kring seksualitet i islam utgjer den djupaste avgrunnen mellom Vesten og den tradisjonelle islamske verda. Dette er det viktigaste problemet vi må gjere noko med. Ser ein på religion, på kultur, integrering, på hovudplagga som kvinnene går med, kokar det meste ned til seksualiteten, seier forfattar Seyran Ates på Skype frå Tyskland.
– Seksualiserer born
Ho har eit venleg andlet. Men når ho snakkar om kvinner og seksualitet i islam, vert ho streng og engasjert. Ho hevar stemma. På terrakottaraud bakgrunn nikkar ho til nokon bak sin eigen skjerm før ho held fram:
– Dette er årsaka til at eg får flest dødstrugsmål. I vår moské får kvinnene be med eller utan tørkle på hovudet. Kvinner og barn vert dekte til fordi dei skal løyne venleiken og seksualiteten sin for mannen, slik at han ikkje vert freista. Det er seksualisering av små barn.
– Tidleg i boka skriv du at ein bør forby vestleg reklame som nyttar kvinnekroppen òg.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
