Bok
¿ Aviser er karbohydrat. Bøker er protein.
Kva er vitsen med forfattarsamtalar? I ein freistnad på å vurdere verdien av litteraturarrangement endar eg opp med ein teologisk ernæringsteori om litteraturkonsum.
Illustrasjon: May Linn Clement
Lytt til artikkelen:
BOKDIETT
Høyr, høyr! I desse dagar, faktisk på denne avissida, vert ein splitter ny nyttårsdiett lansert! Det dreiar seg om ein banebrytande ernæringsteori om litteraturkonsum, basert på iherdig forsking frå romjulssofaen.
Teorien er teologisk i forma, og han byrjar med den som sit der, i ein kropp, og les.
Lesaren sit åleine. (Sjølv om det er andre i rommet, er lesaren åleine). Lesaren opnar ei bok. Om boka er god, og lesaren er villig, skjer det noko. Boka og lesaren manipulerer kvarandre, rokkar ved heile premissen for det den andre er, formar den andre i sitt bilete.
Lesaren freistar fyrst å tvinge boka inn i det lesaren alt veit, liker og misliker, limer kanskje post-it-lappar inn i sprekkar, strekar under, lagar eseløyre – er kanskje litt for aggressiv i kurtisen. Men om boka er god, har ho overtaket, for boka byr på meir enn uthevingar og parafrasar, ho byr på forvandling, metamorfose, i ny og ne ekstase (i ordets opphavlege tyding: ex stasis, utanfor-deg-sjølv-opplevingar, ein pause frå det rælet som er deg sjølv).
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
