Musikk
Mayhem du skjønne milde
Lady Gaga kom Mayheim att frå heimeisolerings-sci-fi-utflukta Chromatica (2020).
Mellomalderforskaren Claude Lecouteuxs Dictionary of Ancient Magic Words and Spells: From Abraxas to Zoar har ein misvisande undertittel. Ordlista er organisert alfabetisk, og før «Abraxas» kjem «Abracadabra» – ein forvitneleg brutal singel frå Lady Gagas nye album, Mayhem. Ifølgje Lecouteux er «Abracadabra» eit urgamalt paracetliknande trylleformular brukt sidan år 100 fvt. – minst – som febernedsetjande og smertestillande; i singel nr. 1, «Disease», fortel Gaga at ho kan leike dokteren vår og kurere sjuka.
Eg assosierer ofte Gaga med ABBA, som eg i samband med «abracadabra»-oppslaget har lært tyder «pappa» på gresk. Og indisk. Mother of Mayhem er ein bergensk kultartist som gjorde det halvstort i Bergen for to tiår sidan; i «Abracadabra»-videoen – koreografien er spinnvill – opptrer Gaga som «Mistress of Mayhem», yang, der «Virgin Gaga» er yin. Det skal seiast at Mayhem er stilmessig – og kan omsetjast som – kaos. Av det gode slaget.
«Perfect Celebrity» læt som Lady Gaga var Diamanda Galas i Madonnas «Frozen»-periode dersom Siouxie and the Banshees var eit poppunkband og spelte arenaglamrock på midten av 000- og 80-talet. «Garden of Eden» er ein total banger av eit hyperpopbarn av industrial, grunge, Carl Orffsk brutalisme – ropekoret på «Abracadabra» er òg noko for seg sjølv – og Peaches.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
