Frå Bridgeverda: Berre det beste
Terje Lie (t.v.) etter å ha vunne eit av sine mange NM-gull, saman med makkeren Nils Kåre Kvangraven.
Foto: Norsk bridgeforbund
Terje Lie var ein bridgespelar eg som ung var nervøs for å spela imot. Det hadde å gjera med to tilhøve. For det fyrste at han alltid spela sylkvast og verka uslåeleg. For det andre at han hadde det vi kan kalle eit sterkt nærvær ved bordet. Han var ikkje ein type spelar som lente seg tilbake og tok bridgeresultata som dei fall seg; tvert imot sat han framme på stolkanten, fullt og heilt til stades i kvart einaste stikk – her skulle ikkje den minste desimal av eit poeng gå tapt.
Han kunne bli hissig. Men det var sjølvsagt ikkje motstandarane som fekk gjennomgå, for dei er nye i kvar runde og kan ikkje styrast. Forbetringspotensialet finst hjå ein sjølv og hjå makkeren, og Terje Lie såg helst at makkeren innfridde dei same høge krava som han stilte til sin eigen bridge.
Han kom frå Sundbyfoss i Vestfold, men budde i mange år i Ålesund, før det også i Brattvåg. Han var maskinmekanikar og arbeidde i verftsindustrien, men var også leiar av bridgeklubben Grand og Møre og Romsdal bridgekrins. Eit høve til å bli å betre kjend med han fekk eg under finalen i NM for klubblag i Ålesund i 2010, som han var sentral i å organisere, og der han også spela for BK Grand. Han var ikkje nøgd med prestasjonane til alle lagkameratane sine. Sunnmøringane på si side var ikkje særleg nøgde med kritikken frå Lie, og presterte nokre kostelege parodiar av denne temperamentsfulle austlendingen med sine formidable kvalitetskrav. Men det låg ein varme i denne underhaldande kjeklinga, og når ein møtte Terje Lie litt bortanfor bordet, forstod ein fort at dette var eit raust og morosamt menneske med eit stort og levande nærvær også i det sosiale livet.
For nokre veker sidan døydde Terje Lie av kreft, knapt 60 år gamal. Han var mange gonger noregsmeister og ein av dei ti øvste i den nasjonale meisterpoengrangeringa. Med han har norsk bridge mist ein av sine ypparste spelarar og mest ugløymelege karakterar.
Erlend Skjetne
Erlend Skjetne er tidlegare juniorlandslagsspelar i bridge.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Terje Lie var ein bridgespelar eg som ung var nervøs for å spela imot. Det hadde å gjera med to tilhøve. For det fyrste at han alltid spela sylkvast og verka uslåeleg. For det andre at han hadde det vi kan kalle eit sterkt nærvær ved bordet. Han var ikkje ein type spelar som lente seg tilbake og tok bridgeresultata som dei fall seg; tvert imot sat han framme på stolkanten, fullt og heilt til stades i kvart einaste stikk – her skulle ikkje den minste desimal av eit poeng gå tapt.
Han kunne bli hissig. Men det var sjølvsagt ikkje motstandarane som fekk gjennomgå, for dei er nye i kvar runde og kan ikkje styrast. Forbetringspotensialet finst hjå ein sjølv og hjå makkeren, og Terje Lie såg helst at makkeren innfridde dei same høge krava som han stilte til sin eigen bridge.
Han kom frå Sundbyfoss i Vestfold, men budde i mange år i Ålesund, før det også i Brattvåg. Han var maskinmekanikar og arbeidde i verftsindustrien, men var også leiar av bridgeklubben Grand og Møre og Romsdal bridgekrins. Eit høve til å bli å betre kjend med han fekk eg under finalen i NM for klubblag i Ålesund i 2010, som han var sentral i å organisere, og der han også spela for BK Grand. Han var ikkje nøgd med prestasjonane til alle lagkameratane sine. Sunnmøringane på si side var ikkje særleg nøgde med kritikken frå Lie, og presterte nokre kostelege parodiar av denne temperamentsfulle austlendingen med sine formidable kvalitetskrav. Men det låg ein varme i denne underhaldande kjeklinga, og når ein møtte Terje Lie litt bortanfor bordet, forstod ein fort at dette var eit raust og morosamt menneske med eit stort og levande nærvær også i det sosiale livet.
For nokre veker sidan døydde Terje Lie av kreft, knapt 60 år gamal. Han var mange gonger noregsmeister og ein av dei ti øvste i den nasjonale meisterpoengrangeringa. Med han har norsk bridge mist ein av sine ypparste spelarar og mest ugløymelege karakterar.
Erlend Skjetne
Erlend Skjetne er tidlegare juniorlandslagsspelar i bridge.
Fleire artiklar
Skulpturen «Moren» av Tracey Emin utanfor Munchmuseet i Oslo.
Foto: Anne-Line Aaslund
«Moren» og søstrene hennar
Kor original er den ni meter høge skulpturen «Moren», som er plassert utanfor Munchmuseet? Før avdukinga 4. juni 2022 hadde kunstnaren Tracey Emin alt produsert og stilt ut nær identiske skulpturar på tre meter.
Kor mykje skal den enkelte forelder ha å seie over barnet? Spørsmålet er til vurdering når barnelova skal oppdaterast.
Foto: Sara Johannessen Meek / NTB
Flytterett eller vetorett?
Skal mor eller far kunne ta med seg barna og flytte langt bort etter eit samlivsbrot? Barne- og familiedepartementet vil gjere det vanskelegare for fleire, men møter motstand.
Jasmine Trinca i hovudrolla som Maria Montessori, som med ein ny pedagogikk la grunnlaget for montessoriskular over heile verda.
Foto: Another World Entertainment
Traust revolusjon
Det er null nytt i filmen om nyskapingane til Maria Montessori.
Metodeskuggespel med filter
Yanyas tredje album er innovervendt og lite oppsiktsvekkjande.
Partileiinga etter landsmøtet i Sosialistisk Venstreparti 22. februar 1976: Frå venstre nestleiar Steinar Stjernø, ny formann Berge Furre, nestleiar Berit Ås, parlamentarisk leiar Reidar T. Larsen og partisekretær Rune Fredh. Plakat: Mot kapitalmakt.
Foto: Henrik Laurvik / NTB
Personleg rapport om SV
Boka Steinar Stjernø har skrive om SV, reiser indirekte mange spørsmål utan svar.