Gutar, no menn
Christian Bakke og Tor Eivind Grude er to namn som utan tvil vil prege norsk bridge i mange år framover.
Tor Eivind Grude (t.v.) og Christian Bakke er dei fremste i den yngre generasjonen av norske bridgespelarar.
Foto: Norsk Bridgeforbund
Den gongen eg sjølv var junior og hadde æra av å reise utanlands i lag med Christian Bakke og Tor Eivind Grude på diverse ungdomsmeisterskapar, var dei nokre år yngre enn eg.
Sidan då har eg som dei fleste vorte eldgamal, medan Bakke og Grude enno verkar like unge. Like fullt har dei gjort eit sjeldsynt sprang, nesten direkte frå ungdomsbridgen inn på landslaget i open klasse, der det naturleg nok er langt tøffare å få innpass.
La gå, på papiret er dei høvesvis 28 og 33 år gamle. Men det er ingen alder i bridgesamanheng. Bakke kjem frå Bergen og Grude frå Sømna på Helgeland. Båe er frå bridgefamiliar, Christians far Tor har vore i noregstoppen i mange tiår, medan Grude har to bridgespelande foreldre og ei syster som har spela på Noregs damelandslag.
Men alle familiemedlemene deira må nok innsjå at dei for lengst er utkonkurrerte: Bakke og Grude vinn det meste i Noreg for tida, dels som makkerpar, dels med andre makkerar. Dei blir òg meir og meir ettertrakta blant pengesterke sponsorar i utlandet.
I skrivande stund har EM for nasjonslag byrja i Herning i Danmark. Her er Bakke makker med Boye Brogeland, Grude med Geir Helgemo. Desse to er veteranar på landslaget: Dei var båe med då Noreg vann sitt fyrste VM for nasjonslag i Shanghai i 2007, og dei er Noregs mest kjende bridgenamn internasjonalt. At to spelarar av eit slikt format har valt seg høvesvis Bakke og Grude som makkerar, seier mykje om forventningane til dei unge rakettane. I tillegg til desse fire spelar det rutinerte paret Allan Livgård og Terje Aa for Noreg.
Eit identisk mannskap tok bronse i EM på Madeira for to år sidan, attom Nederland og Sveits. I VM i Marrakech i fjor tapte Noreg finalen mot sjølvsame Sveits. Desse to motstandarane kan fort bli dei argaste også i Herning, der tretti nasjonar deltek i open klasse.
Erlend Skjetne
Erlend Skjetne er tidlegare juniorlandslagsspelar i bridge.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Den gongen eg sjølv var junior og hadde æra av å reise utanlands i lag med Christian Bakke og Tor Eivind Grude på diverse ungdomsmeisterskapar, var dei nokre år yngre enn eg.
Sidan då har eg som dei fleste vorte eldgamal, medan Bakke og Grude enno verkar like unge. Like fullt har dei gjort eit sjeldsynt sprang, nesten direkte frå ungdomsbridgen inn på landslaget i open klasse, der det naturleg nok er langt tøffare å få innpass.
La gå, på papiret er dei høvesvis 28 og 33 år gamle. Men det er ingen alder i bridgesamanheng. Bakke kjem frå Bergen og Grude frå Sømna på Helgeland. Båe er frå bridgefamiliar, Christians far Tor har vore i noregstoppen i mange tiår, medan Grude har to bridgespelande foreldre og ei syster som har spela på Noregs damelandslag.
Men alle familiemedlemene deira må nok innsjå at dei for lengst er utkonkurrerte: Bakke og Grude vinn det meste i Noreg for tida, dels som makkerpar, dels med andre makkerar. Dei blir òg meir og meir ettertrakta blant pengesterke sponsorar i utlandet.
I skrivande stund har EM for nasjonslag byrja i Herning i Danmark. Her er Bakke makker med Boye Brogeland, Grude med Geir Helgemo. Desse to er veteranar på landslaget: Dei var båe med då Noreg vann sitt fyrste VM for nasjonslag i Shanghai i 2007, og dei er Noregs mest kjende bridgenamn internasjonalt. At to spelarar av eit slikt format har valt seg høvesvis Bakke og Grude som makkerar, seier mykje om forventningane til dei unge rakettane. I tillegg til desse fire spelar det rutinerte paret Allan Livgård og Terje Aa for Noreg.
Eit identisk mannskap tok bronse i EM på Madeira for to år sidan, attom Nederland og Sveits. I VM i Marrakech i fjor tapte Noreg finalen mot sjølvsame Sveits. Desse to motstandarane kan fort bli dei argaste også i Herning, der tretti nasjonar deltek i open klasse.
Erlend Skjetne
Erlend Skjetne er tidlegare juniorlandslagsspelar i bridge.
Fleire artiklar
Fekk ikkje plass til alt
– Det er ikkje vår oppgåve å drive med polemikk. Vi har levert eit fagleg arbeid, seier kommunikasjonsdirektør Ola Anders Skauby i Sokkeldirekoratet.
Hjortelusflugene er spesialiserte parasittar som føder levande ungar og lever heile det vaksne livet nede i pelsen til elg, hjort og rådyr.
Foto via Wikimedia Commons
Svermingstid for hjortelusfluga
Göran Fristorp døydde 3. september. Han vart 76 år gammal.
Foto: Sara Johannessen Meek / NTB
Göran Fristorp (1948–2024)
Det kjem an på storleiken, men det er ein fordel å sleppe å trene inni bilen.
Bene Riobó / Wikimedia commons
I form med bilen
Michael Keaton er attende i den ikoniske rolla som Beetlejuice.
Foto: Warner Bros. Discovery
Beetlejuice Beetlejuice: Nesten dødsfestleg
Sjølv om det er eit gledeleg gjensyn, saknar eg snerten.