Det er liten tvil om at seig, salt, feit og varm smelta ost er blant dei gode – ja, nokon vil endåtil seie beste – sidene ved livet. Men kvifor smeltar eigentleg ost? For det er jo ikkje sjølvsagt: Ein goudaost som Norvegia inneheld 46 prosent vatn og 27 prosent feitt. Eit stykke laks ligg ikkje så langt unna: Her er det 16 prosent feitt og 64 prosent vatn. Likevel skal du jobbe hardt for å få ein laksefilet til å smelte.