«Sjakken er som livet. Når verda går av hengslene, fylgjer sjakkverda etter.»
Carlsen, utan hjelm, i tidsnaud i Budapest, på leiting etter spelelokalet.
Foto: Maria Jemiljanova / Chess.com
I førre veke tapte Christopher Yoo (17) mot Fabiano Caruana i USA-meisterskapen. Ungguten svara med å gå til fysisk åtak på ei ukjend kvinne i lokalet. Politiet kom, og Yoo er ferdig i sjakken.
Nokre dagar tidlegare vart Kirill Sjevtsjenko (22), det største ukrainske talentet på ti år, teken i mobiljuks på toalettet. Han er ferdig.
Verdsmeisteren Ding Liren (32) har ikkje vunne eit klassisk sjakkparti sidan januar i år. Ingen verdsmeister i historia, 17 i talet sidan 1886, har vore like dårleg over så lang tid. Den altfor sympatiske kinesaren er deprimert og har fått ein psykisk knekk. Eg trur han er ferdig i toppsjakken.
Skandalemakar Hans Niemann (21) har fått ein ny mentor, den meir og meir rabiate eks-verdsmeisteren Vladimir Kramnik. Russaren skuldar «alle» for juks (med unnatak av Niemann?) og finn sanninga langs aksen Putin–Trump.
I denne verda av galskap ler Magnus Carlsen heile vegen til banken og nyt livet. Han skal flytta til varmare strøk og spela golf. Under ei sjakkshowturnering i London tidlegare i månaden spela han poker om kvelden med den ferske nobelprisvinnaren i kjemi, KI-guruen og sjakkspelaren Demis Hassabis. Carlsen er kan henda framleis best i klassisk sjakk, men han synest ikkje lenger ha nokon store ambisjonar der.
Carlsen var likevel god og solid for Noreg i sjakk-OL i september, men størst oppsikt vekte episoden då han på sjarmerande vis sykla seg vill i eit apokalyptisk regnvêr i Budapest og ved eit under ikkje tapa på tid mot Colombia (han vann partiet, drypande våt).
Er det nokon som framleis spelar seriøs, gamaldags, klassisk sjakk? Ja, dei unge indarane. Dei er så sindige, intelligente og høflege – det er aldri noko tull. India vart suveren vinnar av både open klasse og dameklassen i sjakk-OL. 18 år gamle Gukesh D på fyrstebordet tok fantastiske 9 av 10 poeng med ein ratingprestasjon på 3056. Carlsen og sjakkverda vart ståande og måpa på sidelina. No ventar alle at den indiske tenåringen vinn VM-kampen mot Ding Liren i november.
Atle Grønn
Atle Grønn er internasjonal meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I førre veke tapte Christopher Yoo (17) mot Fabiano Caruana i USA-meisterskapen. Ungguten svara med å gå til fysisk åtak på ei ukjend kvinne i lokalet. Politiet kom, og Yoo er ferdig i sjakken.
Nokre dagar tidlegare vart Kirill Sjevtsjenko (22), det største ukrainske talentet på ti år, teken i mobiljuks på toalettet. Han er ferdig.
Verdsmeisteren Ding Liren (32) har ikkje vunne eit klassisk sjakkparti sidan januar i år. Ingen verdsmeister i historia, 17 i talet sidan 1886, har vore like dårleg over så lang tid. Den altfor sympatiske kinesaren er deprimert og har fått ein psykisk knekk. Eg trur han er ferdig i toppsjakken.
Skandalemakar Hans Niemann (21) har fått ein ny mentor, den meir og meir rabiate eks-verdsmeisteren Vladimir Kramnik. Russaren skuldar «alle» for juks (med unnatak av Niemann?) og finn sanninga langs aksen Putin–Trump.
I denne verda av galskap ler Magnus Carlsen heile vegen til banken og nyt livet. Han skal flytta til varmare strøk og spela golf. Under ei sjakkshowturnering i London tidlegare i månaden spela han poker om kvelden med den ferske nobelprisvinnaren i kjemi, KI-guruen og sjakkspelaren Demis Hassabis. Carlsen er kan henda framleis best i klassisk sjakk, men han synest ikkje lenger ha nokon store ambisjonar der.
Carlsen var likevel god og solid for Noreg i sjakk-OL i september, men størst oppsikt vekte episoden då han på sjarmerande vis sykla seg vill i eit apokalyptisk regnvêr i Budapest og ved eit under ikkje tapa på tid mot Colombia (han vann partiet, drypande våt).
Er det nokon som framleis spelar seriøs, gamaldags, klassisk sjakk? Ja, dei unge indarane. Dei er så sindige, intelligente og høflege – det er aldri noko tull. India vart suveren vinnar av både open klasse og dameklassen i sjakk-OL. 18 år gamle Gukesh D på fyrstebordet tok fantastiske 9 av 10 poeng med ein ratingprestasjon på 3056. Carlsen og sjakkverda vart ståande og måpa på sidelina. No ventar alle at den indiske tenåringen vinn VM-kampen mot Ding Liren i november.
Atle Grønn
Atle Grønn er internasjonal meister i sjakk.
Fleire artiklar
Takumi (Hitoshi Omika) og dottera Hana (Ryo Nishikawa) lever eit roleg liv på bygda, som no kan få ein «glampingplass».
Foto: Another World Entertainment
Djevelen i detaljane
By mot land er eit sentralt tema i endå ein framifrå film av Ryusuke Hamaguchi.
Ingrid Storholmen har teke utgangspunkt i eit stort datamateriale om folkehelsa i Nord-Trøndelag.
Foto: Merete Haseth
Våren over mannalivet
Ingrid Storholmen gjer tørre helsedata om til levande liv i Bloddråpetall.
Finaste finnbiffen med grøne erter, potet og tyting.
Foto: Dagfinn Nordbø
Finaste finnbiffen
«Seier eg at eg skal invitere på finnbiff, blir folk berre glade. Dei veit at dei skal få smake noko av det beste landet vårt har å by på av ingrediensar, med reinkjøt som helten.»
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
Papiravisa