Frå bridgeverda
Velkomne, kvinner
Kvinnene ynskjer å vera med på Proffen-cupen, inntil i fjor ei av fåe reine herretevlingar i Noreg.
Frimurerlogen i Trondheim.
Foto via Wikimedia Commons
Gentlemanssport, er det noko som heiter. Eg veit ikkje kva det er. Bridge er iallfall ikkje i denne kategorien, sjølv om nokon kanskje trur det. Likevel ynskjer kvinnene å vera med på Proffen-cupen, inntil i fjor ei av fåe reine herretevlingar i Noreg. Det finst mange tevlingar som berre er opne for damer, men no kanskje ingen som berre er opne for menn.
For meg er dette heilt i orden. Eg liker kvinner mykje betre enn eg liker menn. Men kvifor kvinnene har lyst til å spela Proffen-cupen, forstår eg ikkje.
Det dreier seg om ei årleg førjulstevling i Trondheim, til minne om Rune «Proffen» Brattgjerd, som døydde altfor ung i 2004. Det står i statuttane – dersom nokre slike eksisterer – at tevlinga skal vera «i Proffens ånd», og sidan Proffen var ein glad laks, har tevlinga ein utprega «sosial profil». Bridge er per definisjon eit sosialt spel, så når dette uttrykket blir nytta, er det ein eufemisme som tyder at det her – i motsetnad til i dei fleste bridgetevlingar i vår tid – er lov å ta ein øl. Uttrykket «ein øl» er på si side ein eufemisme for mange øl.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
