Diktet
«Viss eg seier 'dette partiet er så fint' om ei songtekst, handlar det oftast om korleis tekst og musikk saman skapar eit slags høgdepunkt.»
Foto: Terje Bendiksby / NTB
Å skrive om songlyrikk er kinkig. Måten teksta treffer på, har alltid også å gjere med melodien som høyrer til, med stemma og framføringa av songen. Viss eg seier «dette partiet er så fint» om ei songtekst, handlar det oftast om korleis tekst og musikk saman skapar eit slags høgdepunkt: kanskje ein kontrast, kanskje ein intensitet.
I sporet «Slutte og byne», frå Valkyrien Allstars-albumet med same namn, er det likevel teksta som er i hovudfokus, og som skapar låta. «Slutte og byne» er pratete, ei på same tid lett og alvorleg tekst, fandenivaldsk og sår. Alt det eget er, vil det slutte med, for eksempel «slutte å prate». Noko av det som gjer teksta god, er at ho blandar påbod som er såkalla fornuftige («slutte å røyke […] byne å samle på penger») med sjølvutslettande impulsar («slutte å synge […] slutte å puste»).
Tekstforfattaren Tuva Syvertsen arbeider ikkje med lyrisk konsentrasjon her, men med overflod, repetisjon, lydlikskap og humor. Ordleiken og bruken av referansar og humoristiske rim – «Tony Soprano, holde det rent, holde det Lano» – verkar inspirert av rapsjangeren, den mest poetiske delen av samtidsmusikken.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
