Det ser heldigvis ut til at Viken no vert oppløyst, eit fylke som aldri skulle ha oppstått. Ikkje eingong namnet var rett, om ikkje anna skulle det heitt Vika, som i Sandvika i Bærum.
Viken er for stort, Hallingdal og Halden har ulike utfordringar. Heldigvis er ikkje vallova endra, så dei gamle fylka i landet er framleis valkrinsar ved stortingsval. Det fortel oss at mange av dei nye fylkessamanslåingane, særleg Viken, ikkje lenger fylgjer naturlege inndelingar.
Men no ser endeleg Arbeidarpartiet i Viken ut til å ha samla seg, etter ein merkeleg runde der to statsrådar, utanriksminister Anniken Huitfeldt og kunnskapsminister Tonje Brenna, har vore fylkespolitikarar på kveldstid og arbeidd imot oppløysing.
Formuleringa i Hurdalsplattforma er: «det skal i løpet av 2021 settes i gang en prosess for å gjenopprette Akershus, Buskerud og Østfold basert på en søknad fra fylkestinget i Viken».
Det er uklart formulert. Men sjølv om det skulle sendast ein søknad fyrst, var intensjonen klar: Viken skulle oppløysast. Ingen såg føre seg, etter alt som var sagt frå Arbeidarpartiet i valkampen, at deira eigne regjeringsmedlemer ville arbeida imot at ein slik søknad vart send.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
