Nasjonalteater i stadig nye akter
Kultur- og likestillingsminister Lubna Jaffery la fram utgreiinga frå Statsbygg om vidare arbeid med rehabilitering av Nationaltheatret.
Amanda Pedersen Giske / NTB
Fredag 28. juni la kultur- og likestillingsminister Lubna Jaffery fram utgreiinga frå Statsbygg om vidare arbeid med rehabilitering av Nationaltheatret. På pressekonferansen understreka ho kor viktig Nationaltheatret har vore som ein leiande kunstinstitusjon, og at målet er å halde på denne posisjonen i framtida.
Nationaltheatret, som vart teikna av arkitekt Henrik Bull, stod ferdig i 1899 og var for lite alt då. Ei utviding av teateret har vore diskutert sidan 1930-åra. Etter ein brann i 1980 vart det rehabilitert, men ikkje modernisert. Ei utviding vart diskutert då den nye jarnbanetunnelen vart bygd i 1990-åra, men forkasta. I byrjinga av 2000-talet kom to tilstandsanalysar, i 2012 vedtok regjeringa å setje i gang ei utgreiing, og i 2014 vart det tilrådd full rehabilitering av bygningen, noko som òg innebar leiting etter alternative scener i byggjeperioden.
Ti år seinare lanserer Statsbygg tre alternativ: Tullinløkka-løysinga med ei ny, moderne scene med plass til 500 og ei biscene med plass til 200 i eit nybygg under Tullinløkka, og med bruk av Nasjonalgalleriet som publikumsareal og til støttefunksjonar for teateret. I dei to delte løysingane ligg hovudscena i den gamle teaterbygningen og biscenene utanfor sentrum. Tullinløkka-løysinga er kostnadsrekna til 9,75 milliardar kroner, men ingen av alternativa er kvalitetssikra enno.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
