Musikk
Berre delvis
Espen Berg er på sitt beste i dei kortare stykka.
Espen Berg med band.
Foto: Kristoffer Hylland Skogheim
I 2020 tinga Jazzfest i Trondheim, Maijazz og Oslo jazzfestival verket Water Fabric. To år seinare blei det framført på desse festivalane, og tidlegare i år blei det innspelt i Rainbow Studio.
Verket er ein suite i sju delar, der siste del er eit verk i verket: «Triple Point Suite». I fleire delar av verket gjev Espen Berg utfordringar til medlemer i bandet, mellom anna i eit av høgdepunkta på plata, opningssporet «Sun Glacier». Harpreet Bansals innleiing får deg på kroken med ein gong, og resten er eit meisterverk i sakte oppbygging – fascinerande musisering rundt eit enkelt pianoostinat.
Kontrasten er sterk til den meir intrikate «Circumzenithal», der Berg og Hayden Powell unisont framfører eit Alperin/Corea-inspirert tema oppå ein arpeggiogroove av strykarane og eit minimalistisk trommespel. Stykket munnar ut i ein dialog mellom ensemblet og ein improviserande Johansen, før dei vender attende til ein variasjon av temaet.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
